Hapi Valentayns Dey

Minsan talaga sa tuwing sasapit ang Valentine's Day tinatanong ko sa sarili ko kung bakit ba kailangan i-celebrate pa ito sa iisang araw kung pwede namang araw-araw kang magpapakita ng pagmamahal sa mga taong mahal mo sa buhay?

Pero kanina, nung nagsimba ako..mukhang nakakuha ako ng matinong sagot.. sabi ng pari sa misa
"Nag-cecelebrate tayo nito sa isang taon para bigyang alala na tayo'y araw-araw na nagbibigay ng pagmamhal sa ating kapwa..na tayo'y nagmula sa pagmamahal...pinagdiriwang natin ito upang paalahanan ang sarili na tayo ay natutong magmahal at nagmamahal"

Hindi man saktong ganyan ang sinabi ng pari pero ganyan ang pagkakaintidi ko sa sinabi nya..

"Kahit na korny sa iba..pero totoo naman na tayo ay nagmamahal..."

Ano nga bang korny dun?

Kung tutuusin hindi ko rin tinatanggap ang salitang "korny" dahil tingin ko hindi akma! :-? para sakin kasi ang salitang "korny" ay para sa mga jokes na hindi ako natawa...useless baga... nagpatawa pero hindi nakakatawa! :-?? ngayon, halimbawa, kung makakita ako ng magkasintahan na nagbibigayan ng bulaklak at chocolates sa isa't isa...mas akmang sabihin na.. "ang cheesy nila!" o "sweet" ( anak ng bakang bakla..ako magsasabi ng ganyan?) kaysa "korny" dahil hindi naman katawa tawa ang ginagawa nila at lalong hindi naman sila nagpapatawa...Iyon ang para sakin ah...malay ko lang sa tingin ng iba...

at isa pa pala! Kung makakita man ako ng magkasintahang naghoholding hands, hugging each other and kissing each other sa Valentines day, mas akmang sabihn na "PDA" sila kaysa sabihin kong "korny"! di ba?

Anyway, balik tayo...

Tama nga naman at sa tingin ko at makatwiran nga naman ang dahilan (kung yun nga ba ang dahilan) kung bakit sine-celebrate ang VAlentines Day. Bakit nga naman hindi mapagbigyan ng isang araw na pagkilala man lang sa sarili mo na natuto kang magmahal at malamang may minamahal ka.. though everyday alam na alam mo yun..pero ga sino ba namang mabigyan nga naman ng isang araw bilang pagkilala na ikaw ay nagmahal?

Nabuo ang tanong na yun sa isip ko, habang mamatulog na galing sa simba. Naisip ko, kung "Bonifacio Day" nga at "Rizal Day" meron eh...Kung iisipin mo sa history ng Pilipinas...Sino bang taong hindi naghangad ng kalayaan? Sino bang Pilipino dun ang hindi nagbuwis ng Buhay? o hindi sumama sa himagsikan at namatay para lamang sa pagmamahal sa Pilipinas? Kung si Bonifacio lang ang kikilalanin, paano naman ang mga taong namatay
dahil sa kawalan ng kahandaan para sa himagsikan? Hindi ba sila kikilalanin din? Parang unfair kung si Bonifacio lang...dapat pati sila! >__< (kala mo may alam talaga sa history eh noh?)

Heheh...hindi ko alam pero yan talaga ang pumasok sa utak ko...Pero bigla ko rin naisip na kung halos lahat yun bibigyan ng tig-i-isang araw, kulang ang araw sa kalendaryo para lamang sa mga taong yumao na yun... Kaya tama na rin siguro na si Bonafacio na lang ang ibida dahil sya ang ugat namang ng himagsikan! :->

Pero bakit kakaayawan ng tao (o ibang tao...espcially mga single ladies ang men out there) ang araw ng mga puso gayung ayos naman pala ang rason na binigay ni fader kanina?

naisip ko nga kanina rin after kong matapos ang pagiisip kay Bonifacio, makatwiran din pala ang "Heart's Day" at least alam mo at nasasabi mo sa sarili mo na:

"Uy teka lang...kahit isipin ng iba na manhid ako at hirap makaramdam...alam ko marunong akong magmahal.. mahal ko ang pamilya ko ah...may kaibigan ako..wala naman akong nakagalitang tao...sa lagay ba nito hindi na ako pwedeng mag-celebrate dahil para lang ito sa may mga mag-jowa? excuse me... we're talking "love" here
para sa kanila lang ba ang "lav" na yan? nararanasan ito ng lahat ng tao... so kailangan kasama din ako dahil nararanasan ko ang magmahal...at TAO ako TAO!" Ang haba ng tinayp ko pero hindi ko alam kung masasabi ko nga ba yan sa sarili ko! hahah..

Sa pag-iisp ko na maktwirang i-celebrate ang araw ng pagmamahalan, naisip ko na sana meron din " Happy "Happy" Day!" Kumbaga eh..aalalahanin naman na sa loob ng isang taon, alam mong naging masaya ka sa kabila ng pagsubok sa buhay. Hmmm... "Life's Day" kaya? Ay! may "Birthday" na nga pala! :D

Naisip ko lang (ulit) Kadalasang binibigyang gunita ang mga nangyayari sa buong bansa pero hindi masyadong nauukulan ng pansin ang emosyon o nararamdaman ng isang tao...Tapos kung tungkol pa sa "emosyon" o kasentihan ang nasasabi o nababanggit, tinutuligsa pa.. kesyo ganito ganyan...

Minsan gusto kong sabihin sa mga taong masyado kung tumuligsa o masyado kung magbigay ng komento o opinyon, "Alam mo ba ang dahilan kung anong meron sa "bakit" na namumuo sa iyong isipan?" (parang tumutula)
HIndi masamang magbigay ng komento o opinyon pero kung magbibigay ka lang naman ng opinyon na kung saan aayon sa pansarili mong gusto at hindi sa ikabubuti ng pangkahalatang tao.. manahimik ka na lang dahil useless yun! USELESS!

Pero alam nga ba ng mga tao kung ano at bakit nag-cecelebrate sila?

Kadalasan kasi sa ganitong araw ng mga puso, parang "kailangan" ata, para sa iba ( ayon sa obserbasyon ko ) ang magbigay ng kung anu-ano...Tingin ko naman, hindi ganun ka-appropriate yun! :-/

"Pamamahalan" nga ang sine-celbrate eh...edi pagmamahal ang ibigay mo! buti sana kung sinabing "Gift's Day"! kaya bakit ka maghahanap ng regalo o matatanggap sa kung sinumang inaakala mong magbibigay sayo? :-/

Pagmamahal...though everyday naman binibigay mo yun (kung sa tingin mo) sa taong mahal mo... sa "Heart's Day" doblehin mo nalang ang pagbibigay ng pagmamahal compare sa kahapon...Halimbawa: kung kahapon, nagtitigan lang kayo, ngayong araw ng mga puso, nagkatitigan pa rin pero may kasama nang kindatan!:D hahah.. gets? kumbaga..may dinadag ka para maging espesyal naman..tapos kinabukasan...hindi na lang kayo nagtititigan ulit, nagkikindatan na..tuloy-tuloy na yun.. wag na lang sana mahinto. Tapos sa susunod na taon ulit, dagdagan mo ulit ng bago, "kurap-kurap" naman... padagdag lang ng padagdag..wag lang babawasan at wag lang din wala lang at hindi nagbago. Asus naman kasi di ba!... sa isang taon na lilipas walang magbabago at hindi maiimprove..ano lang ginawa nyo? nagtitigan??

gets? :D

Pero balik tayo sa regalo...

Pansin ko lang kasi sa iba na masyadong demanding sa regalo.. iba naman halos patayin na ang sarili kakaisip kung ano bang ireregalo gayung sa nakikita ko hindi naman kailangan ang mamahalin...simpleng gumamela lang sa tabi at bubblegum na "bazooka" at "big boy"sa tindahan o kahit na simpleng sulat kamay (kahit parang kinahig ng manok)
nakalagay lang sa scratch o nilukot na papel ayos na yun! nasa pagsabi naman ng dahilan kung bakit ganun ang gusto mong ibigay eh...dahil ang pinaka-importante naman dun ay naalala mo sya sa araw na yun na isang beses lang magdadaan sa isang taon.

hmmm...maiba ako ah..pero hindi naman nalalayo sa topic.. hmmm..ayos lang sakin kahit walang matanggap ng kahit anong materyal na bagay, ang mahalaga makasama ko lang ang taong mahalga sa buhay ko. Though everyday, pwede ko silang makasama, pero knowing na meron nito sa isang taon, bakit hahayaan ko ang araw na ito na hindi man lang maipapakita ang simbolo kung bakit nagdiriwang ang mga tao sa ganito?

Balik tayo sa regalo...

Ibang tao kasi...(pansin ko lang...) lalo na't mga magkasintahan sa tabi-tabi (hindi ko lalahatin)... magagalit pa o pagsisimulan pa ng away kung walang maibigay man lang o kung hindi nagustuhan ang binigay... Sagot ko dyan, "Buti nga nag-effort!" (para sa mga taong nagbigay..) "buti nga naalala ka pang i-greet" (para sa mga taong nagbigay lang ng hangin at nakikihati pasa hangin na yun!)..

hay...tao nga naman...alam ba talga nila ang sine-celebrate nila?

(parang ay sasabihin pa ako..pero nakalimutan na..:-/)
--------------

Matapos kong marinig ang simpleng salita ni fader kanina tungkol dun (pero hindi naman VAlentine's day ang focus ng misa) medyo naalog at nagkaroon ng kasagutan ang tanong ko sa sarili ko.

Sana nga may "Happy" Day...

"Tears" Day kaya.. (para malaman ko at masabi kong, marunong din akong umiyak..nakailang iyak ba ako sa isang taon?"

"Gifts" Day... baka walang magcelebrate! :-/ '

Teka tagalog naman...

"Araw ng pagkabigo" Akalain mo yun..sinong gustong alalahanin yun? pero kung tutuusin, kung hindi dahil dun, san ka nga ngayon? :P hmmmmm...Marami pa akong naiisip pero ititigil ko na... naalala ko kasing may pasok na bukas sa trabaho...

Pwede kaya ang "rest day" o "petiks day" na bayad ka..

araw na gaganapin yun?

hmmmm.... EVERYDAY! heheh... katamad pumasok lalo nat ayaw mo sa pinapasukan mo.... :-<

----------------

Anyway, sa ngayon, I learned how to appreciate Valentine's Day.. sana, this day, nakapag-share ako ng dahilan kung bakit hindi rin dapat balewalain ang araw ng mga puso... may kanya kanya namang dahilan kung bakit ayaw at gusto ng iba na bigyang alaala 'to..pero sana maging fix ang thinking ng bwat isa, na sine-celbrate ito, indi dahil sa may maipagmamalaki kang jowa sa ibang singles, hindi dahil sa korny ang nakikita mo (inggit ka lang! :P), kundi, dahil alam mong andyan pa rin sa tabi mo ang minamahal mo, alam mo sa sarili mong natuto kang magmahal, alam mo ring nagmamahal ka at nagbibigay ka ng pagmamahal, at higit sa lahat, batid mo sa sarili mo na dyan ka nagsimula at nabuhay, dahil sa pagmamahal! :D

So...Happy Valentine's Day to all!


<3


P.S.
Malungkot ang VAlentines ko ngayong taon na ito... :(
LAte ko na nalaman eh... but happy pa rin...at least alam ko na ngayon...:)


=mimimskie


P.S.S
may nagtext pa..anong oras na?! [-(