OJT and EVSAP: the better and the worst...

Alam mo bang halos inaabot ako ng ilang minutong nakatitig sa screen para lang magisip ng title sa post ko?! Mas mahirap mag-isip ng title kaysa sumagot ng quiz o exam! Anyway, sige ito na yung post ko..

@@@

Pwede na siguro akong magsaya ngayon dahil sa wakas natapos na rin ang sem na ito. Ito na siguro ang isa sa mga sem na hindi ko masasabing mahirap pero hindi ko rin masasabi na madali dahil sa marami talagang gawain ang nagawa ko hindi lang pang eskwelahan yun kundi pati na rin sa labas ang eskwelahan.

Dalawang bagay lang naman ang nagpahirap sa kin ngayon at magpapadali ng buhay ko sa susunod na sem - Ang OJT at EVSAP. Kinuha ko ang dalawang yan ng sabay sa iisang sem. Hindi ko akalain naman kasi na may temang “killing me softly” ang magiging hatid nyan kapag kinuha iyon ng sabay. Kaya yun… parang dahan dahan ko ngang sinasaktan ang sarili ko! Dagdag pa dun… full load pa rin ako kaya talagang “suicide” na ang ginawa ko sa sarili ko nitong sem. But since gaya ng nasabi ko sa taas, ang temang “killing me softly” ay unti-unting napapalitan nang “I will survive”. At habang hinihintay ko na lang ang paglabas ng mga grades ko, hindi maglalaon ang pinaka tema ko na ay ang “survivor” ng destiny’s child! Weheheh..

@@@

OJT and EVSAP

Halos ang dami ko ring sakripisyong ginawa dyan! Bukod sa mga tulog na pinalampas ko pati pagkain sa tamang oras naapektuhan na rin. Hindi ko na rin masyadong nagagawang makapaglibang-libang gaya ng panonood ng TV o maging up to date sa mga bagong kanta ngayon. Ni current events nga ay malay ko na! Siguro nalalaman ko na lang yun sa kaibigan kong kapag nakakakwentuhan sa school. Hindi na rin ako nakakapag-aral ng maayos sa ibang mga subject dahil pagkauwi sa bahay gusto ko nalang ay matulog. Sa bagay hindi ko naman talaga gawain ang todo aral talaga. Pero ibig ko lang ipatungkol dun ay, hindi na ako nakakapagreview ng maayos kapag may exam o quiz man. Laging on the spot…stock knowledge which is hindi dapat ganun. Swerte na lang siguro ako kung matapat ng Monday ang exam dahil at least sa weekends may time ako. Ngayon sem lang ata ang wala akong kadala-dalang notebook para sa mga important lessons. Ang dala ko lang notebook sa bag ay pang OJT. Maliit pa! Tapos mukha pa akong maraming dala dahil bukod sa libro ay lagi pa akong may baon na academic uniform kahit may exemption ID naman ako for OJT. Kung tutuusin hindi ko alam ang silbi ng ID nay un dahil hindi kami pinapapasok kung hindi kami nakauniform. Its so useless nga eh! Hindi ko alam ang purpose ng exemption ID kung hindi naman pala kami mae-exempt. What is the use of the word “exempt” if you will not be exempted? Hindi ko malaman… hindi ko maintindihan! Ewan! Basta salamat na lang at tapos na! Hindi ko na bibigyang issue pa since dahil sa tulong ng jacket and sweater ko hindi nalalaman ng manong guard na hindi ako naka-uniform. Hindi naman kasi sa ginugusto kong hwag mag-uniform kundi wala na akong time para magpalit pa. Isang consideration na hindi man lamang nila naisip. Isang purpose na hindi hindi ko alam kung bakit hindi pinapatupad sa exemption ID. EWAN! Bahala sila…

Hindi na rin ako nakakapaglaro ng badminton every weekends nun! Dahil sa pagod, binabawi ko ang tulog ko. Pero minsan nga dahil sa may overnight sa EVSAP wala talaga akong tulog! Pasalamat ako nung mga oras na iyon ay hindi bumibigay ang katawan ko. Around finals na nung magka-health issue na naman ako. Isang bagay na ayaw na ayaw kong pagusapan dahil ayokong nasho-showbiz ako! Pero usually naman talaga, finals ang dating ng sakit ko. Hindi na bago sa kin yun. At kinapapasalamat ko na rin dahil parang ang weird naman na hindi ako magkakasakit although hindi ko naman talaga hinihingi at ayoko talagang hingiin yun! Basta ang dami pang nangyari sa akin na sa awa ng Diyos! Hahah…natapos na rin na wala masyadong naging problema sa huli.

@@@

Kung tuuusin hindi ko naman kailangan sapitin ang ganito kung hindi ako nagmamadali sa buhay ko. Minsan nga napapaisip ako nung mga panahon na napapagod na ako, “ba’t nga ba kailangan tumakbo kung hindi naman pinagbabawal ang paghinto?” pero sadyang pinili ko pa rin ang pagtakbo. Kaya yun! Pero habang tumatakbo ako, dun ko naman nalalaman na kailangan ko nga pala talagang tumakbo! Isa sa mga dahilan ay dahil, masyado na akong nahuhuli sa mga kasabayan ko. Kailangan kong makasabay kahit papaano dahil kung hindi, maiiwan ako! Iyon nga pala ang dahilang muntikan ko nang makalimutan dahil sa pagod! At hindi ang dahilang “nagmamadali ako!”. Pero syempre tao lang naman ako…nakakaramdaman pa rin ng pagkapagod at pagkayamot. Hindi pa rin nawawala ang papipiliang “tuloy sa pagtakbo” o “huminto”. Kahit medyo pagod na ako nung mga oras na iyon hindi ko pwedeng sundin ang payo ng itchyworms na “steady lang tayo” dahil nga sa maiiwan ako; Napapagod na akong tumakbo kaya ang magandang solusyon na ginawa ko…maglalakad na lang ako! Bawal ang huminto… pero hinihingal na ako… edi maglalakad na lang ako! Hindi rin naman kasi sinabing bawal ang maglakad. So why not?? Mas mabuti nay un at least tuloy-tuloy pa rin ako. Kung pagsakay naman ang pwedeng tumatakbo sa utak mo, mukhang hindi mo naiintindihan ang pinagsasasabi ko dito. Hindi applicable ang sasakyan dahil walang lugar dun ang gulong kundi paa lang. Hindi naman pwedeng manghiram ng ibang paa para lang tumuloy ka sa buhay mo di ba? Isa pa, kung meron masasakyan o kung pwede man…hindi ko rin nanaisin dahil sa sobrang bilis na hatid nun! malalampasan ang mga importanteng makikita o mga bagay na mararanasan mo sana kung gamit mo ang mga paa mo.

(O_o): paano kung pilay??

(-_-): mas mahirap yun kung tutuusin pero tiyagaan lang talaga. “Kapag may tiyaga…may nilaga!” Enjoy mo lang ang lahat at dahil hindi mo mararamdamang may kakulangan sa iyo!

San na nga ba ako natungo??

@@@@

Ngayong bakasyon..masaya akong mapapahinga ako..pero isa rin sa ikaaayaw ko ito dahil hindi ko alam kung anong pwede gawin sa mga susunod na araw. Ayoko naman kasing uubusin ang oras ko sa panood lang ng TV. O di naman kaya pagaalaga ng pamangkin na ginagawa ko ngayon habang nagta-type ako! T_T. Ayoko naman din na nakatutok na lang ako sa pc (na gusting gusto kong gawin ngayon!). Gusto ko gigising ako sa umaga na alam kong may dapat akong gawin hindi yung tipong “wala akong ginagawa kaya ginagawa ko ito” O_o sa ngayon magiisip muna ako ng dapat kong gawin…

Ano bang gagawin ko? (>_<)

=mimi=