Pizza Promo

hmm...maikli lang ito. Gusto ko lang ilabas ang side ko...

hindi ko alam kung ako o hindi ang dahilan ng pagkawala ng mood ng ate ko. Dahil lang kasi sa pag-deliver ng pizza hut. I mean pagpapadeliver pala ng pizza hut.

Napili kasi ang mama ko na maka-avail ng 100 pesos discount dahil sa pagiging regular customer nya sa pizza hut tapos naalala yun ng ate ko ngayong gabi kaya sabi nya sabihin ko raw yun sa mama ko. I know gusto nya ng pizza hut, ako ok lang. Kaya naman sinunod ko ang utos nya na i-inform ang mama ko dahil ang promo na yun ay within this day lang. 10 ng gabi ang expiration ng promo na yun so sinabi ko.

Ang akin lang kasi kanina, naiirita talaga ako kapag nagsusulat o nagpo-post ako dito na may kumakausap sa akin. Katulad sa naunang kong post dito na "sem break" ang pamagat, hindi na ako nakapag-focus doon kasi kinakausap nya ako. Ayoko ng ganoon talaga kasi nawawala sa isip ko ang lahat lahat ng gusto kong sabihin.

Kaya nga "the silent of night" ang pangalan ng webpage ng blog na ito ay dahil gumagawa ako nito tuwing gabi. Yung kung saan tulog na sila at tahimik ang paligid para walang istorbo.

Kahit medyo naiirita na ako dahil hindi na ako makapagsulat, sinusunod ko pa rin. Kahit paputol-putol sige ok lang. Kaya lang nung gumawa na ako ng move na sinabi kong sya na ang mag manage don sa baba. Biglang tanggi sya!

Inisip ko, sya 'tong nagpupumilit na sabihin yun sa mama ko para makakain ng pizza tapos ang gumawa ay ayaw nya. Ako na lang ang pinapakilos. Hindi naman sa inaano ko ang ate ko pero, I have done my part, sana gawin nya ang kanya. Malay ko ba sa gusto nyang kaining pzza para ma-suggest sa mama ko. Ako kahit hindi ako kumain o kahit ano pang klase ng pizza ang nakalantad dyan wala akong paki! Hindi naman kasi ako humihiling na magpa-deliver ng pizza, basta I'm just informing my mom na may tumawag sa kanya dahil sa promo na yun, then its up to her kung ia-avail nya yun o hindi. Hindi big deal yun for me!

Ang lagay kasi sa ate ko, sya lang ang pinababa ko para sabihin sa mama ko kung anong klaseng pizza, nawalan na ng gana! Susmaryosep! Ewan ko ah kung ako ang may kasalanan ng lahat!

Ngayon kasalukuyan syang natutulog. Ewan ko kung tulog na pero alam ko hindi pa. Pinipilit nya lang ang sarili nya dahil nga sa nawalan na sya ng gana. Tinanong ko sya kung kakainin pa ba sya nun dahil nga matutulog na agad pero sagot nya hindi na raw. Malamang nawalan na ng gana.

Ewan ko pero nagiguilty ako sa nangyari. Pero kung iisipin wala akong nagawang kasalanan. Ginawa ko lang naman ang part ko, ginawa ko lang ang inutos nya. then nung makita kong dapat sya na ang umaksyon. Sya na ang bahala kung gagawin nya yun. Kung gusto nyang ipagpatuloy, edi go on! Actually yun na nga lang ang gagawin nya, ayaw pa! Gusto ipagawa na sa akin ang lahat.

Basta wala akong ginawang mali. Ganito lang ako dahil ayokong may taong ewan ko kung ano ang itatawag sa kanila- "taong nagtatampo o may sama ng loob?"

Basta akin lang, wala akong ginawang mali kanina. Kawalan na nila ngayon kung hindi sila makakain ng pizza. Sila lang naman ang nagde-decide ng magiging action nila sa buhay eh.

Kung gusto na nilang maging bad trip ngayong gabi, edi magiging bad trip nga pero kung hahayaan na lang iyon at try to enjoy eating pizza na lang edi mangyayari rin yon dahil yon ang desisyon nila.

ika nga:"life is a matter of choice" applicable di ba?


~o~

Hay nako sabi ko kanina maikli lang pero humaba na naman dahil lang sa topic na "pizza"

letseng pizza yan! parang yun lang pinag-iisip ako!


Sige andyan na ata yun!


Pag ako nainis hindi ko pa bayaran yun eh! Teka hindi nga pala ako ang magbabayad sila mama yun...

basta pag ako nainis, solohin ko na lang yun kainin, hindi ko sila bibigyan!

:P


=mimi=